Në kampin e Flamurtarit, duket se të gjithë ishin të mendimit për ta shtyrë ndeshjen me Tiranën. Por, gazetari Glendi Tafaj i “Supersport”, zbulon një prapaskenë të zyrtarit të klubit vlonjat, Ardi Behari.
Trajneri Daja, 1 minutë para se arbitri të merrte vendimin për ta shtyrë ndeshjen, i kishte kërkuar anësorit që të shtyhej, pasi kështu nuk mund të vazhdohej.
Ndërkohë, në hollin e stadiumit, zyrtari i Flamurtarit, Ardi Behari, në një bashkëbisedim me delegatin, ai mësohet të jetë shprehur: “Çfarë do bëjmë, se na shkoi grumbullimi 10 milionë lekë?”
Kujtojmë se Flamurtari është i grumbulluar pak kilometra më tej, në Fushë-Krujë, e kështu do i duhet të qëndrojë edhe një natë më shumë në hotel.
