Ditën e djeshme nuk është luajtur vëtëm në Shqipëri dhe në Ligën e kampionëve, por futbolli është luajtur dhe në Kategorinë e Dytë gjermane.
Këlni është ndeshur me Duisburgun në transfertë, në një sfidë spektakolare, e cila ka përfunduar në barazim të çmendur 4-4.
Por spektakli dhe golat kaluan në rradhë të dytë, pasi në stadium ka ndodhur një ngjarje, që ka tronditur trajnerin e Këlnit.
Markus Anfang, është larguar urgjentisht drejt spitalit duke e lënë lojën, për shak se i ati pësoi një atak kardiak gjatë ndeshjes.
Për t’u theksuar është fakti se babai i trajnerit ndodhei në stadium duke ndjekur ndeshjen. Personi në fjalë vazhdon të jetë në gjendje të rëndë dhe i gjithë stafi i ekipit i kanë qëndruar në krah trajnerit të tyre.
