Sulmuesi spanjoll Gerard Deulofeu, aktualisht pjesë e skuadrës së Watford, ka deklaruar se nuk e sheh si të domosdoshëm rikthimin e tij te Milani apo Barcelona sezonin tjetër. Skuadra ku më parë ai ka luajtur. Lojtari është në pronësi të ekipit “blaugrana”, që e ka lënë në formë huazimi në Premier League, te Watford.
“Kam patur përvoja të bukura te Barcelona, ku kam luajtur për shumë vite. Por, njëkohësisht, nuk ka qenë e lehtë, pasi më duhej të përballesha me lojtarët më të mirë në botë. Në një stadium gjigand si “Camp Nou”. Për një të ri që ka nevojë për besim nuk është e lehtë”, tha Deulefou.
“Gjithsesi, unë nuk jetoj duke menduar për ish-ekipet e mia si Barcelona apo Milan, me shpresën që të rikthehem aty. Unë shoh me optimizëm përpara, jam në Angli prej gati 2 vitesh dhe mund të qëndroj këtu. Kam dëgjuar shumë thashetheme për rikthimin te Milani, por unë jam lojtar i Watford dhe për të ardhmen time ky klub vendos bashkë me Barcelonën”, tha Deulefeu.
