Prej më shumë se dy vitesh, ekipet kombëtare nuk kishin menaxher. Vendin e lënë bosh nga Alban Bushi (aktualisht trajner i Kombëtares U-21) e ka zënë Dritan Babamusta.
Ish-futbollisti, i cili prej kohësh angazhohet në strukturat e FSHF-së dhe kryesisht me ekipet përfaqësuese, është emëruar zyrtarisht shef i ekipeve kombëtare.
Ai do të merret kryesisht me pjesën administrative dhe bazën materiale. Ndërkaq, drejtor teknik i kombëtareve vazhdon të jetë Xhemal Mustedanagiç.
Drejtor në departamentin e administratës është emëruar Kejdi Tomori, ndërsa Andi Zëre ka marrë postin e përgjegjësit të projektit GROW, si dhe këshilltar i Dukës.
