Patriot Behrami ka fituar ndeshjen e radhës dhe ka kaluar në çerekfinale në Lojërat Europiane “Minsk 2019″
Boksieri i ri nga Kosova ka fituar përballjen ndaj italianit, Vincenzo Mangiacapre, i cili ishte medalist i bronztë në Lojërat Olimpike Londra 2012.
Ishin gjyqtarët që vendosën për fitoren e kosovarit, duke fituar me rezultat të ngushtë 3-2.
Behrami u tregua i talentuar dhe i fortë edhe në ndeshjen e parë ku shënoi fitore bindëse ndaj kroatit Marko Zheljko.
Në këtë ndeshe, Patrioti triumfoi 4-0, në kategorinë deri në 69 kilogramë, duke e detyruar disa herë gjyqtarin të numërojë.
