Shkëndija e Tetovës mbeti jashtë Champions League, që në turin e parë eliminator. Ekipi tetovar u mund 1-2 nga estonezët e Nome Kalju në sidën e kthimit të zhvilluar në Shkup.
Takimi nisi që në minutën e 6-të, me një gol të estonezëve, nga ana e Uge, në zhvillimet e një goditje këndi. Gjatë fraksionit të parë të sfidës, miqtë u mbrojtën, dhe arritën ta mbyllin në avantazh.
Me fillimin e të dytës, të besuarit e Qatip Osmanit, u hodhën të gjithë në sulm, dhe vetëm me një penallti të shënuar nga Agim Ibraimi në minutën e 62-të, ia dolën që të barazojnë shifrat. Por, teksa minutat kalonin, Shkëndija u ndëshkua vetëm në minutën e 91-të të takimit, nga një gol i Liliut, ndërsa mendoi se gjithçka kishte mbaruar.
Kështu, takimi u mbyll në shifrat 1-2, ndërsa në rezultat total, përfundoi në barazim 2-2, por dy golat e shënuar jashtë fushe nga estonezët, i bëjnë ata që të kalojnë në turin tjetër, ndërsa jashtë mbetet Shkëndija.
