Paulo Dibala mund të largohet nga Juventusi në këtë merkato, me ofertat që nuk mungojnë për argjentinasin.
25-vjeçari thuhet se ka hapur derën për tu larguar nga Juventusi, me destinacion të mundshëm Junajtid ose PSG. Argjentinasi refuzoi kalimin tek Interi, i cili do të ishte pjesë e marrëveshjes për të transferuar Ikardin në Torino.
Sipas asaj që shkruan “Tuttosport”, Dibala ishte gati të qëndrojë tek bardhezinjtë, por pas një bisede me teknikun e ri Sarri, ka vendosur të dëgjojë ofertat në drejtim të tij.
Një lëvizje jashtë Italisë është alternative më e mundshme, me Mançester Junajtid dhe PSG, që kanë shfaqur interes për ta marrë në skuadrat e tyre. Çmimi që kërkon “zonja e vjetër”, është rreth 75 milionë euro, dhe në rast se ai largohet, rriten mundësitë që Higuain të qëndrojë.