Neymar Junior është edhe më afër largimit nga Paris Saint Germain.
Drejtori sportiv i PSG-së Leonardo, konfirmoi se Neymar nuk do të luajë kundër Nimes dhe vendimi është “100% i klubit”. Ai është afër largimit nga Parisi, kur ndërkohë Barcelona dhe Reali e duan 27-vjeçarin.
Sipas Leonardos, “Negociatat për shitjen e Neymarit kanë avancuara më shumë se më parë”.
Por ai nuk tregoi se me cilin klub i kanë nisur këto negociata, Barcelonën apo Real Madridin sepse të dy gjigantët spanjollë e duan brazilian pranë ekipeve të tyre.
Leonardo, ndër të tjera ka konfirmuar se Neymar është përjashtuar nga skuadra për ndeshjen e nesërme me Nimes sepse lojtari tashmë ka shprehur dëshirën për t’u larguar dhe nuk e duan një futbollist që s’dëshiron të jetë aty ku është.
