Mesfushori Qazim Laçi ka gjetur rrugën e rrjetës pas plot 1 viti e katër muaj.
23-vjeçari ka shënuar në triumfin 4-1 që skuadra e tij Ajacio, arriti ndaj Valenciene, në ndeshjen e vlefshme për Kupën e Francës.
Shqiptari hapi serinë e golave në minutën e 9-të, duke thyer kështu tersin.
Goli i fundit i Laçit me fanellën e Ajacios datonte më 13 prill të vitit 2018 në sfidën ndaj Nancy të vlefshme për kampionat.
Ky është sezoni i tretë që mesfushori aktivizohet në radhët e klubit francez, teksa duhet theksuar që në këtë sezon të ri, hapësirat kanë qenë më të mëdha.
Laçi ka fituar gradualisht vendin e titullarit te Ajacio, teksa shpreson ta shpërblejë më së miri besimin e trajnerit.