Ditën e sotme Marko Xhampaolo ka publikuar listën me 23 lojtarët e ftuar, për ndeshjen miqësore kundër Çezenës, që do të zhvillohet ditën e nesërme.
Në listë nuk bëjnë pjesë 3 afrimet e kësaj vere si Benaser, Rafael Leao dhe Kruniç, por ajo që bie në sy është edhe mungesa e mbrojtësit Laksalt. Për uruguaianin prej kohësh flitet se do të largohet nga kuqezinjtë, dhe mos përfshirja nga trajneri është një shenjë tjetër se lojtari do të largohet.
Diçka të tillë e pranoi edhe agjenti i 26-vjeçarit, i cili ditën e sotme në një intervistë u shpreh: “Të martën do të kemi një takim më drejtuesit për të ardhmen e klientit tim. E ardhmja në Itali apo jashtë? Rëndësi ka të jetë një klub i madh.”, u shpreh agjenti.
Duket se aventura e Laksalt te Milani do të marrë fund pas vetëm një viti, dhe shumë shpejt lojtari pritet të nisë një aventurë të re.
