Eros Grezda po kalon një periudhë të vështirë tek skuadra e Rangers.
Sulmuesi anësor i Shqipërisë ka kërkuar falje pas gjestit të pahijshëm të bërë ditëve të fundit, ku pështyu lojtarin kundërshtar të Ballymena United, Andreë Burns, gjatë ndeshjes së U-21.
Ky veprim i Grezdës ka bërë që trajneri i Rangers, Steven Gerrard ta dënoj shqiptarin duke mos e aktivizuar në ekipin e parë skocez.
Nuk ka vonuar shumë dhe gjakovari ka shfrytëzuar rrjetet sociale për të kërkuar falje për veprimin e tij.
“E pranoj plotësisht që të pështysh është e shpifur, por ka gjithmonë dy anë të historisë. Kërkoj falje për veprimet e ditëve të fundit”, ka shkruar Grezda në ‘Instastory‘.
