Juventusi ka mposhtur me rezultatin 2-0 SPAL-in e Etrit Berishës në sfidën e vlefshme për javën e 6-të të Serisë A, duke u rrëmbyer përkohësisht kreun e renditjes me 16 pikë.
Ishte boshnjaku Miralem Pjaniç që në minutën e 45-të, mposhti Berishën me një goditje mjeshtërore nga jashtë zone, duke i dërguar të tijët në dhomat e zhveshjes, me avantazhin 1-0.
Pavarësisht përpjekjeve skuadra e SPAL-it nuk arriti të gjente rrugën e rrjetës, teksa në minutën e 78-të, ishte Kristiano Ronaldo, që me një goditje të saktë me kokë mposhti për herë të dytë Etrit Berishën, duke i siguruar një fitore tepër të rëndësishme “Zonjës së Vjetër”. Kujtojmë që në sfidën e radhës, Juventusi do të përballet në transfertë ndaj Interit!
