Juventusi ka mposhtur 2-1 Bologna-n në Allianz Stadium duke forcuar pozitat në krye të renditjes së Serie A.
Me fitoren e javës së tetë, bardhezinjtë kanë vajtur në kuotën e 22 pikëve teksa kanë shënuar 15 gola duke pësuar 7.
Ishte Cristiano Ronaldo ai që zhbllokoi rezultatin në minutën e 19’ me një predhë nga një pozicion aspak i lehtë, por portieri i miqve ka qenë i papërgatitur.
Megjithatë, Bologna kundërpërgjigjet vetëm shtatë minuta më vonë me golin e Danilos, edhe ai një gol fantastik.
Pas pushimit, Juve gjen golin e avantazhit në minutën e 54’ pas një aksioni të rrëmujshëm në gjysmëfushën e miqve.
Vendasit arritën të menaxhonin mirë avantazhin duke marrë tri pikë tepër të rëndësishme, megjithëse duhet thënë se në fund edhe Bologna ka pasur mundësitë e saj, duke rrezikuar jo pak herë portën e Buffon.