Te Real Madridi po mendohet për një revolucion të vërtetë pas këtij sezoni. Gjithçka pritet të nisë në qershor kur do hapet edhe merkato e verës.
Disa nga lojtarët e “galacticos” kanë zhgënjyer në këtë sezon dhe tashmë atyre pritet t’iu tregohet “dera”.
Një prej emrave të lakuar së fundmi për t’u larguar nga madrilenët është edhe Isco.
Sipas “AS”, trajneri Zidane ka kërkuar shitjen e Iscos në verë. Spanjolli nuk ka arritur që të gjejë një vend në formacionin “merengues” që pas kthimit të Bale nga dëmtimi.
Zidane ka mbetur i zhgënjyer nga performanca e Iscos dhe për këtë arsye e konsideron të tepërt ish-lojtarin e Malagës në Madrid.
