Tifozëve të Malmos nuk iu del inati me Ibrën, pasi ky i fundit u bë aksionar te rivalet e përjetshëm të Hamarbi.
Sulmuesi suedez hodhi hapat e tij të para të karrierës te Malmo, dhe për këtë arsye atij iu ndërtua edhe një statujë në mes të këtij qyteti për ato që ka arritur në karrierën e tij.
Megjithatë irritimi që tifozët e Malmos kanë pasi 38-vjeçari mori disa aksione të Hamarbi, ka bërë që të tentojnë ta shkatërrojnë statujën. Vetëm pak ditë më parë, ata i vunë zjarrin asaj si shenjë urrejtje ndaj Ibrës.
Por, nuk ka përfunduar asgjë këtu. Së fundmi tifozët janë përpjekur ta shkatërrojnë fare atë, teksa kanë marrë një sharrë dhe kanë nisur të prisnin statujën te pjesa e këmbëve.
Është dashur ndërhyrja e policisë që kjo të ndalohej, me këta të fundit që e kanë rrethuar statujën në mënyrë që të mos tentohet të shkatërrohet.
