Kategoria Superiore luajti këtë mesjavë ndeshjet e javës së 16-të. Gazeta “Panorama Sport” ju sjell vlerësimet për këtë javë, me formacionet dhe trajnerët më të mirë e më të dobët.
FORMACIONI MË I MIRË
TRAJNERI MË I MIRË- SHPËTIM DURO
Kukësi i tij nuk njeh pengesa prej katër javësh dhe është drejt mbylljes së pjesës së parë të sezonit si kampion dimri. Shpëtim Duro është pa diskutim trajneri më i mirë i javës së 16-të, pasi po udhëheq me meritë renditjen, ka një mesatare shënimi mbresëlënëse dhe për më tepër pëson pak. Duro ka ditur të ingranojë si duhet jo vetëm katërshen e sulmit, por duke vendosur ekuilibër edhe në mesfushë.
FORMACIONI MË I DOBËT
TRAJNERI MË I DOBËT – ILIR DAJA
Menjëherë pas humbjes në Gjirokastër, Ilir Daja mori përsipër përgjegjësitë, por paralajmëroi lojtarët se duhet të tregojnë që e meritojnë fanellën e Skënderbeut. Skuadra bardhekuqe ishte hije e vetvetes ndaj Luftëtarit dhe natyrisht zgjedhjet që trajneri kishte bërë në formacion stonuan jo pak. Mungesat e shumta ia vështirësuan së tepërmi gjërat, por loja që zhvilluan korçarët ishte shumë e dobët.