Prej kohësh flitet në media se mbrojtësi i PSG-së, Lajvin Kurzaua, është një objektiv i Interit, me trajnerin Konte që dëshiron ta ketë nën urdhrat e tij.
Lojtarit i përfundon kontrata në verë me klubin francez, dhe më pas do të jetë një lojtar i lirë. Megjithatë karriera e tij nuk pritet të vazhdojë në Serie A, por në Premier Ligë.
Sipas lajmeve të fundit, thuhet se Arsenali është në negociata të avancuar me PSG-në, për transferimin e mbrojtësit në Angli.
Londinezët për shkak të problemeve në prapa vijë, nuk do të presin deri në verë kur të jetë një lojtar i lirë, por po përpiqen ta marrin atë që në këtë merkato, dhe marrëveshja është shumë afër.
