Me rastin e Inter-Cagliari të së dielës, e programuar të luhet në orën 12:30 në Meazza, zikaltrit do të zbresin në fushë me një fanellë sepciale për të festuar Vitin e Ri kinez.
Siç ka ndodhur në ndeshjen e vitit të kaluar, emrat e futbollistëve në fanella do të jenë të shkruar me shkronja kineze. Risia e madhe do të jetë në numrat e fanellave, që për herë të parë do të kenë të vizatuar simbolin tradicional “FU”, mesazh tipik urues kinez.
Nuk është hera e parë që simbolet grafike kineze shfaqen në fanellën zikaltër. Në sezonet e kaluara, në disa raste, sponsori Pirelli është shfaqur në gjuhën kineze: në prillin e 2008-ës, pikërisht në rasin e Inter-Cagliari.
Një nismë kjo që është ndërmarrë edhe në 2006-ën dhe në 2007-ën kundër Chievo-s dhe Livorno-s, ashtu si në Superkupën e 2009-ës të luajtur në Pekin.