Flamurtari koleksionon fitoren e radhës në Kampionatin Kombëtar në Basketboll për femra, duke mundur 111-66 Studentin, në ndeshjen e vlefshme për javën e 14-të. Suksesi i 14-të për basketbollistet vlonjate, të pandalshme këtë sezon, duke kryesuar renditjen me 28 pikë të plota.
Fiton edhe Partizani, që mundi 83-61 Vllazninë në “Asllan Rusi”, duke ndjekur hapin e vlonjateve. Pa probleme fituan këtë javë edhe Tirana e Elbasani, që triumfuan respektivisht ndaj Apolonisë dhe Kamza Basket. Gjithsesi, beteja për një vend në katërshe vazhdon të jetë e fortë.
Basketboll – Kategoria e Parë Femra, java e 14-të
Studenti – Flamurtari, 66-111
Elbasani – Kamza Basket, 95-45
Apolonia – Tirana, 56-80
Partizani – Vllaznia, 83-61
Renditja: Flamurtari 28 pikë, Partizani 25 pikë, Tirana 23 pikë, Vllaznia 22 pikë, Studenti 22 pikë, Elbasani 18 pikë, Apolonia 16 pikë, Kamza Basket 14 pikë.
