Në një intervistë direkte në internet me Mehdi Benatianë, Blez Matuidi kujtoi eksperiencën e tij të vështirë me Koronavirusin, virusi të cilit mesfushori francez i Juventusit nuk mundi dot t’i shpëtonte, por që në fund e fitoi betejën e vështirë.
“Ishte e tmerrshme. Më bëri me psikozë. Isha gjithnjë i shqetësuar se çfarë mund t’u kishte ndodhur personave pranë meje. Ishte një eksperiencë tërësisht e re, për të cilën nuk ishim të përgatitur.
Sapo mësova që isha pozitiv, u shqetësova për familjen time, për miqtë e mi. Shpresoj që kjo periudhë të kalojë sa më shpejt të jetë e mundur dhe të mund të rikthehemi të luajmë në fushë”.
