Është mbyllur në barazim 1-1 ndeshja e javës së 37-të të Premier League mes Manchester United dhe West Ham.
Një barazim që i ka ngjitur përkohësisht Djajtë e Kuq në vendin e tretë të renditjes me 63 pikë, ndërsa West Ham është ngjitur në vendin e 15-të me 38 pikë.
Kanë qenë miqtë që kanë shënuar të parët me një penallti të Antonio-s në fundin e pjesës së parë, që është shkaktuar nga një prekje e topit me dorë të Pogba.
Kundërpërgjigja e ekipit të Solskjaer ka ardhur në minutën e 51-të, me Greenwood që ka realizuar golin e barazimit dhe ka fiksuar shifrat në 1-1.
18-vjeçari është bërë adoleshenti me mëshumë gola të shënuar për United në ndeshjet e një sezoni të luajtura në të gjitha kompeticionet (17 – po aq sa George Best në 1965-66, Brian Kidd në 1967-68 dhe Wayne Rooney in 2004-05).
Gjithashtu, ai është bërë adoleshenti i parë që shënon 10 gola në një sezon të Premier League pas Romelu Lukaku në 2012-13 (14), dhe anglezi i parë që e bën një gjë të tillë pas Wayne Rooney në 2004-05 (11).
