Liverpuli fitoi dje 5-3 kundër Çelsit, për të ngritur më pas lart trofeun. Por kjo humbje ka vështirësuar shumë objektivin e bluve të Londrës për një vend në Ligën e Kampionëve sezonin tjetër.
Një moment gjatë ndeshjes së djeshme që po bën xhiron e rrjetit është edhe përplasja e trajnerit të Çelsit, Frenk Lampard me Jurgen Klopin dhe stolin e Liverpulit. Incidenti filloi kur Kovaçiç ndërhyri ndaj Sadio Manes dhe arbitri akordoi faull në favor të Liverpulit.
Ky vendim nuk i ka pëlqyer aspak Lampardit, që nuk ka ngurruar ti kthehet edhe stolit të Liverpulit dhe trajnerit Jurgen Klop.