Philippe Coutinho, një nga blerjet më të shtrenjta të historisë së Barcelona-s, mund t’u kushtojë akoma më shumë katalanasve nëse fiton Champions League me Bayern Munich.
Siç ka bërë të ditur Daily Mail, në fakt, në marrëveshjen e arritur me Liverpool-in është përfshirë një klauzolë speciale.
Sipas të përditshmes angleze, Barça do të duhet të derdhë edhe 5 milionë euro të tjera në arkat e Të Kuqve nëse ish-ylli i Inter-it do të triumfojë në Champions, pavarësisht nëse do ta bënte këtë me balugranat ose një skuadër tjetër.
