Lewis Hamilton duket se është pranë titullit të 7-të kampion bote në Formula 1, kjo jo vetëm falë aftësive të tij si pilot, por edhe potencialit të makinës Mercedes. Kjo e fundit nuk ka patur rivalë në gjithë këto vite, madje po dominon edhe këtë sezon me pilotët e saj.
“Jam vërtet i mahnitur nga paraqitja e makinës Mercedes gjatë këtij sezoni. Nuk prisja të ishte në këto nivele. Kohët e fundit kemi hasur disa probleme me gomat, por duket se e zgjidhëm edhe këtë situatë. Kjo na bën një makinë të pathyeshme, pavarësisht konkurrencës”, tha Hamilton.
Piloti britanik, nuk i ka kursyer fjalët e mira për skuadrën e tij. “Falënderoj të gjithë ata që punojnë në fabrikë, inxhinierët dhe mekanikët, që kanë bërë një punë spektakolare. Prisja më shumë rivalitet këtë sezon, por Mercedes tregoi se është më lart se rivalët”, tha Hamilton.
