Anglia ka mundur 3-0 Uellsin në miqësoren e zhvilluar të enjten në mbrëmje.
Tre Luanët kanë bërë një paraqitje shumë të mirë dhe trajneri Gareth Southgate ka problemet që çdo trajner do të donte t’i kishte: shumë alternativa në dispozicion.
Golat e Calvert Lewin dhe Grealish i shtojnë cilësi një organike që nuk ka patur kurrë kaq shumë konkurrencë. Trajneri është shprehur i kënaqur me skuadrën “B” dhe sulmuesin e Everton.
“Mendoj se lojtarët kanë luajtur një ndeshje të madhe”, ka thënë Southgate për BBC.
“Duhet të them Calvert Lewin ka qenë me të vërtetë shumë i mirë. Mendoj se është në një formë të shkëlqyer. Tani është një sulmues i kompletuar”.
“Më ka pëlqyer gjithmonë loja e tij në përgjithësi, por janë golat që e bëjnë një lojtar të një niveli tjetër”.