Rei Manaj nuk i ka pritur mirë fjalët e thëna nga gazetari spanjoll, Albert Roxh, i cili në një postim të tij në “Twitter”, shkruante se Barcelona B, ishte me një lojtar më pak, kur në fushë ishte sulmuesit shqiptar.
“Gustavo Maia dhe Rey Manaj janë një zhgënjim i madh. Ata nuk e kanë nivelin për të luajtur me Barcelona B, që është me dy lojtarë më pak kur ata janë në fushë. Përgjegjësit që i sollën ata te Barcelona duhet t’i largojnë me dinjitet”, shkruante gazetari Roxh në profilin e tij.
Nuk mungoi as përgjigjja e Manajt, i cili në një postim të bërë së fundmi shkruan: “Kur të kritikojnë, nuk është e nevojshme t’ua kthesh me të njëjtën monedhë. Tregohu i sjellshëm dhe vazhdo në rrugën tënde, sepse edukata dhe respekti janë armët e duhura kundër injorantëve”.
Barcelona B, ku aktivizohet shqiptari në dy ndeshjet e para ka regjistruar 1 fitore dhe në barazim, duke shkuar kështu në kuotën e 4 pikëve në Ligën e tretë spanjolle.
