Goli i parë i Garet Bejlit në debutimin e dytë me fanellën e Totenhemit, i dhuroi tri pikët skuadrës së tij ndaj Brajtonit të dielën, fitore që e ngjiti skuadrën e Zhoze Murinjos në vend të dytë në Premier Ligë.
Trajneri portugez nuk e kurseu edhe ironinë me ish-klubin e tij dhe të uellsianit, Realin e Madridit, që nuk e donte më sulmuesin. “Jam shumë i kënaqur me Bejlin, veçanërisht sepse ai e meriton atë.
Kur të gjej pesë minuta kohë, do të kontrolloj në internet se çfarë shkruajnë në Madrid për të. Ai e di që ne kujdesemi për të dhe ai kujdeset për ne, skuadrën, klubin. Ai është perfekt, shumë i qetë dhe inteligjent, por nuk i ka ende 90 minuta në këmbë”.