Portieri i Shqipërisë Etrit Berisha ka lënë spitalin e Konas ditën e sotme, por rikthimi i 31-vjeçarit në fushë me ekipin e SPAL-it mund të ndodhë në muajin janar.
Mediat në Itali shkruajnë se futbollisti duhet tashmë të rikuperohet fizikisht për të qenë në formë teksa ka kaluar një periudhë të vështirë prej koronavirusit, ku u detyrua të shtrohej në spital pas rritjes së simptomave të ‘COVID’-it.
Duke parë mungesën e Berishës, SPAL-i ka vendosur të marrë Stefano Mielin si portier rezervë në mënyrë që të mos ketë probleme për ndeshjet e ardhshme në Serinë B.
Sipas parashikimeve, Etrit Berisha mund të luajë sërish në mes të janarit të vitit 2021.
