Ndaj Sampdorias u regjistrua fitorja e 8 në kampionat për Milanin në dhjetë javë teksa për të gjetur një ecuri të tillë duhet të shkojmë në sezonin e largët 1954-’55.
Ndërkohë së fundmi, teksa po i afrohemi mbylljes së vitit 2020, mediat italiane kanë publikuar edhe renditjen për sa i përket një viti të plotë kalendarik, pra atij 2020, duke filluar që nga janari, deri tani në dhjetor.
Kuqezinjtë dominojnë këtë renditje speciale me një epërsi të frikshme prej plot 10 pikësh nga Interi, Juventusi dhe Atalanta që ka një ndeshje më pak. Gjatë 2020-ës, “Djalli” ka grumbulluar 98 pikë dhe me pesë ndeshje për t’u patur mund të kalojnë edhe kuotën e 100 pikëve në 12 muaj.
