Në fund, ndeshjen kundër Shakhtar e ka vendosur Lukaku, edhe pse jo ashtu siç pritej.
Sulmuesi i Inter-it nuk ka shënuar, por ia ka mohuar golin Sanchez-it, duke u gjetur në trajektoren e një goditje me kokë të kilianit.
Tani, përveç hidhërimit për eliminimin nga kompeticionet europiane, zikaltrit duhet të durojnë edhe talljet e tifozëve të Manchester United.
Rrjetet sociale kanë shpërthyer në momentin e gafës së Lukaku-t. Fraza më e përdorur? “Ja Lukaku që njohim”.
Një përsëritje e asaj që ka ndodhur disa muaj më parë, kur vetë sulmuesi ka vendosur finalen e Europa League kundër Sevilla-s, por duke dërguar topin në portën e tij.
Më pas, fakti që Lukaku i ka mohuar golin vendimtar për kualifikimin Sanchez-it e bën gjithçka akoma më argëtuese për tifozët e Manchester United.
“Goditje me kokë e Sanchez, e bllokuar nga Lukaku. Më duket shumë Manchester United 2018”.
Me pak fjalë, zhgënjimi për kualifikimin e munguar të skuadrës së zemrës është lehtësuar në ndonjë mënyrë nga dështimi i dy ish-yjeve të tyre.
Inter finish bottom of their #UCL group after a 0-0 draw with Lukaku, Sanchez and Darmian on the pitch. Young started but was subbed. Lukaku inadvertently blocked a goalbound Sanchez header in the 89th minute.
— Samuel Luckhurst (@samuelluckhurst) December 9, 2020
Sanchez header, blocked by Lukaku. Feels like 2018 Man utd.
— Ore (@Ore_Runsewe) December 9, 2020
