Suning ka vendosur t’i shpallë “luftë” Premier Ligës angleze dhe përmes transmetuesit televiziv kinez në pronësi të grupit të cilët gjithashtu zotërojnë klubin e Interit, ngriti një padi kundër kampionatit anglez për çështjen e mospagimit të aksionit në lidhje me të drejtat televizive të kampionatin pas zgjidhjes së kontratës.
Sipas “Financial Times”, “PPLive Sports International” do t’i kishte bërë një kërkesë Premier Ligës për rreth 97 milionë euro duke komentuar këtë vendim: “Liga Angleze e Futbollit ka miratuar një standard të dyfishtë, duke i trajtuar transmetuesit kombëtar britanik ndryshe nga transmetuesi kinez. Ne bëmë ç’mos për të arritur një marrëveshje, por nuk kemi zgjidhje tjetër përveç se të ndërmarrim veprime ligjore.”
