Milan ka harruar humbjen e pësuar në derbin e Kupës së Italisë dhe është kthyer te fitorja në Serinë A pasi ka mundur 2-1 Bologna-n në transfertë.
Rebic ka zhbllokuar ndeshjen në minutën e 26-të pas penalltisë së gabuar nga Ibrahimovic. Goli i dytë i kuqezinjve ka ardhur përsëri nga pika e bardhë dhe është shënuar nga Kessie.
Poli ka rihapur takimin në minutën e 81-të, por rezultati ka mbetur i pandryshuar deri në fund.
Milan ka gjetur golin në transfertën e 20-të radhazi në kampionat për herën e parë në historinë e kampionatit italian, duke thyer rekordin prej 19 ndeshjesh të vendosur mes 1992 dhe 1993.
