Lojtarët e Romës dëshirojnë që shiriti i kapitenit t’i rikthehet Edin Xhekos. Nuk ka përplasje midis tyre, por të gjithë futbollistët e skuadrës kryeqytetase janë bërë bashkë për një qëllim të vetëm, kualifikimin për më tej në Champions.
Të gjithë i njohin vlerat e sulmuesit bosnjak dhe me paraqitjen e tij mund të rezultojë vendimtare për të qenë në çerekfinalen e kompeticionin më të madh europian për klube.
Sipas asaj që raporton “La Gazzetta dello Sport”, Lorenco Pelegrini, i cili aktualisht është kapiten i Romës pas vendimit të drejtuesve të skuadrës verdhekuqe, do të ishte i gatshëm t’ia jepte me shumë dëshirë shiritin e kapitenit shokut të tij më të mirë. Ende nuk është marrë një vendim për këtë gjë, por e sigurt është se mesfushori italian do të vijojë ta mbajë shiritin të paktën edhe në ndeshjen ndaj Udinezes.
