Mbrojtësi i Realit të Madridit, Marselo, është gjobitur me 2700 euro për shkak se ka shkelur rregullat e vendosura nga qyteti i Valencias për shkak të pandemisë. Lojtari “galaktik” ishte bashkë me familjen e tij në një nga plazhet e Valencias pa përdorur maskën.
Familja e Marselos përbëhet nga 4 persona dhe secili është gjobitur 600 euro dhe 100 euro për mosmbajtjen e maskës nga ana e tyre.
Kujtojmë që Spanja përjetoi një valë të dytë të Koronavirusit dhe rregullat ishin shumë të rrepta për të parandaluar përhapjen. Shumë zona kanë rregulla strikte dhe nuk tolerojnë aspak lëvizjet e njerëzve nga një rajon në tjetrin.
