Tirana do t’i nisë sot seriozisht përgatitjet për sfidën me Kastriotin që luhet fundjavën e ardhshme.
Bardheblutë nuk do të kenë një lojtar të rëndësishëm këtë javë. Bëhet fjalë për Jurgen Çelhakën. Futbollisti ka marrë kartonin e katërt të verdhë dhe nuk do të luajë në “Selman Stërmasi”. Pjesa tjetër e skuadrës është në formë.
Nga ana tjetër, Tirana duhet të fitojë medoemos në sfidën me Kastriotin që të jetë në luftë të paktën për vendin e tretë dhe të katërt. Bardheblutë janë 3 pikë larg Laçit dhe katër ndaj Vllaznisë. Me vendin e parë distanca është rritur në shtatë pikë.
