Sulmuesi i Milanit, Ismet Sinani, ka vendosur të luajë për Kombëtaren e Kosovës U-19 përpara Shqipërisë.
Lajmi konfirmohet nga KTV, ku thuhet se lojtarit i është bërë ftesa nga Kombëtarja e Kosovës dhe ka pranuar, duke bërë kështu që ai të largohet nga Kombëtarja e Shqipërisë U-19.
Disa muaj më parë trajneri Erion Bogdani nuk e grumbulloi lojtarin duke u shprehur se lënia jashtë e tij ishte vetëm një zgjedhje teknike.
Por ndoshta kjo mund të ketë qenë një nga arsyet pse Sinani është larguar nga Kombëtarja jonë për të shkuar tek Kombëtarja e Kosovës.
Ismet Sinani vazhdon të jetë pjesë e akademisë së Milanit që nga viti 2013.
