Mbrojtësi gjerman, Robin Gosen zhvilloi një paraqitje fantastike pasditen e sotme në sfidën ndaj Portugalisë duke shënuar dhe golin e katërt për pancerat.
Pas ndeshjes, në një intervistë për ‘’Sky Sport’’, Gosens u shpreh mjaft i lumtur duke rrëfyer dhe ambiciet e gjermanëve para se të zbrisnin në fushë.
“Me siguri që ishte një mbrëmje e paharrueshme në çdo kuptim, ne fituam kundër një ekipi vërtet të fortë. Jam krenar për golin e parë në këtë turne. Ne e dinim se duhej të fitonim pas nëse humbnim do të ishte e vështirë për ne. Unë jam shumë i lumtur që krijuam kaq shumë. dhe ndeshjen e vendosëm kështu.
Ndërrimi i fanellës me Ronaldon? Jo jo, dua të shijoj fitoren sonte. Tifozëve të Atalantës u them se i dua, shihemi së shpejti”, tha Gosens.
