Xhadon Sanço pranë transferimit tek skuadra e Mançester Junajtid. Sipas asaj që shkruan prestigjiozja gjermane “BILD”, pas një faze pauze tani duket se palët janë ulur përsëri në tavolinë dhe akordi mund të mbyllet në ditët në vijim.
Klubi i Dortmundit parimisht refuzoi ofertën e parë me shifrën e 70 milionë eurove, por gjatë ditëve kjo ofertë filloi të ngrihej dhe tani ka shkuar në 85 milionë euro, 5 milionë më pak të kërkuara nga klubi gjerman për yllin britanik.
Sanço e njeh mirë Anglinë dhe sidomos qytetin e Mançesterit pasi më parë ka qenë pjesë e Sitit. Gjatë sezonit të kaluar sulmuesi 21-vjeçar u aktivizua në total në të gjitha kompeticionet në 38 ndeshje nga ku e tundi rrjetën plot 16 herë dhe dhuroi 20 asist, duke qenë një ndër lojtarët kryesor të Borusia Dortmund së bashku me Erling Haland.