Mauricio Sarri nuk e ka filluar në mënyrën e duhur detyrën si trajner i Lacios pasi në prezantimin si trajner ditën e sotme shprehur mendimin e tij mbi të ardhmen e Korreas dhe Luiz Albertos.
Ky i fundit nuk u paraqit në stërvitjen e fundit të Lacios dhe Sarri u shpreh se do të gjobitej për këtë. Por duke përfituar nga situata, Milani dhe Juventusit janë vënë menjëherë pas mesfushorit. Pretendimet e Lacios për Luiz Alberton janë të paktën 50 milionë euro, por drejtuesit e Milanit dhe Juves i kanë idetë e qarta.
Bardhezinjtë mund të ofrojnë në shkëmbim kartonin e Frederiko Bernardeskit të cili Sarri e adhuron. Sulmuesi italian nuk kaloi një sezon të mirë me bardhezinjtë dhe po konsideron largimin pas mbërritjes së Alegrit.
Ndërsa Milani mund të ofrojë kartonin e Alesio Romanjolit i cili nuk do të vazhdojë më karrierën tek kuqezinjtë. Për mbrojtësin italian do të ishte një rikthim në kryeqytet pasi më parë ka mbajtur veshur dhe fanellën e Romës.
