Sportistja australiane, Xhesika Foks, fitoi një medalje ari dhe një të bronztë në kanoe, gjatë lojërave Olimpike në Tokyo. Por videoja që 27-vjeçarja publikoi në “TikTok”, ku shihet duke riparuar kanoen e saj të dëmtuar me anë të një prezervativi, po bën xhiron e rrjetit.
Në pamjet e publikuara shihet një nga pjesëtarët e ekipit të saj duke aplikuar karbon në kanoen e dëmtuar e më pas përdor një prezervativ për ta mbajtur atë në vend, shkruan “Global News”.
“Vë bast që nuk e keni ditur që prezervativët mund të përdoren për riparimin e kanoes,” shkroi ajo në video.
Fox u rendit e treta në finale e kanoe K1. 27-vjeçarja më pas fitoi medaljen e artë në garën e kanoe C1.
Fox ka qenë ndër atletet kryesore të kanoes për vite me radhë, dhe pritjet ishin të larta për të si vajza e Riçard Foks dhe Myriam Foks-Jerusalemalmi, dy ish-vozitës fitues të medaljeve olimpike.
“Prindërit e mi kanë qenë modele të mrekullueshëm, frymëzim i mahnitshëm, mbështetje e madhe për mua,“- tha ajo pas fitores së saj. “Të fitosh sot, është një fitore për ta. Është një fitore për të gjithë familjen tonë.”
Si rezultat i kësaj, rreth 150 mijë prezervativë pritet të përdoren në Lojërat Olimpike gjatë garave.