George Russell do të jetë piloti i ri i Mercedes për sezonin 2022 të Formula 1. Skuadra gjermane ka zyrtarizuar sot emrin e pilotit të ri britanik, që aktualisht garon me Williams.
23-vjeçari do të zërë vendin e lënë bosh nga Valtteri Bottas (shkoi te alfa Romeo) dhe do të ketë si shok skuadre 7 herë kampionin e botës, britanikun tjetër Lewis Hamilton.
Asnjë surprizë në këtë emërim, me Russell që ishte kandidati kryesor. Ai pilotoi vjet makinën Mercedes, në garën e Sakhir, kur zuri vendin e Hamilton, i infektuar me Covid-19.
Russell ka një podium në Formula 1, atë të garës në pistën belge të SPA, 10 ditë më parë. Për të vjen rasti i madh të tregojë aftësitë e tij me një makinë kampione.
It’s official. Next year, I’ll be a Mercedes F1 driver. This is a special day for me and I want to say a huge thank you to @WilliamsRacing, @MercedesAMGF1 and everyone who has supported me in getting to where I am today. I couldn’t have done it without every single one of you. 💙 pic.twitter.com/MmGA1vr9mR
— George Russell (@GeorgeRussell63) September 7, 2021
