Liverpool ka mundur 3-0 Crystal Palace në shtëpi dhe ka marrë kreun e Premier League në javën e pestë të kampionatit anglez.
Mane ka zhbllokuar ndeshjen në minutën e 43-të, Salah ka dyfishuar në të 78-ën dhe Keita ka mbyllur sfidën me një gol të jashtëzakonshëm në të 90-ën.
Ngec Manchester City, që nuk ka shkuar më larg se një barazim pa gola në shtëpi kundër Southmapton-it të Armando Brojas, i cili është aktivizuar nga stoli në minutën e 68-të.
VAR ka qenë protagonist në sfidën e luajtur në Etihad.
Arbitri Madley ka dhënë një penallti për miqtë dhe ka ndëshkuar me karton të kuq Walker në minutën e 63-të, për ta ndryshuar më pas vendimin me ndihmën e teknologjisë.
Qytetarët kanë gjetur golin në minutën e 93-të, por festa është prishur një minutë më mbrapa pasi goli është anuluar nga VAR për pozicion jashtë loje.
Teknologjia ka luajtur një rol të rëndësishëm edhe në Burnley-Arsenal.
Topçinjtë kanë fituar me rezezultatin e ngushtë 1-0 falë një goditje dënimi perfekte të Odegaard.
Në minutën e 70-të, arbitri Taylor ka dhënë një penallti për vendasit, por e ka kthyer vendimin pas ka rishikuar imazhet në VAR.
Fitore e rëndësishme në transfertë edhe për Watford, që ka mundur 3-1 Norwich. Protagonisti i ndeshjes ka qenë Sarr auto i dy golave.
