Skiatori gjerman Thomas Dressen fitoi sotn garën e zbritjes së lirë për meshkuj e vlefshme për Kupën e Botës, zhvilluar në pistën norvegjeze të Kvitfjell. Ky është suksesi i dytë në karrierë për Dressen, që befasoi të gjithë me paraqitjen e tij, duke qenë më i shpejti në pistë dhe në përfundim të dy zbritjeve dha kohën e përgjithsjhme 1’49”17. Në vendin e dytë u klasifikua skiatori zviceran Beat Feuz, ndërsa jnë të tretin ai norvegjez Aksel Svindal.
Për sa i përket renditjes së përgjithshme të Kupës së Botës për meshkuj, kur duhen edhe 5 gara që të mbyllet sezoni 2017-2018, në krye të saj ndodhet skiatori austriak Marcel Hirscher, në kuotën e 1,494 pikëve, që sot nuk garoi. Ndërsa në vendin e dytë ndodhet norvegjezi Henrik Kristoffersen, me 1,205 pikë, duke e lënë të hapur garën për titullin kampion të këtij sezoni.