Ish-mesfushori i Real Madrid, Hames Rodrigez vazhdon të prodhojë polemika. 30 vjeçari është bërë protagonist me një gjest të shëmtuar ndaj arbitrit.
Al Rajan,skuadër ku luan Rodrigez, humbi në transfertë me rezultatin 1-2 ndaj Al Arabi. Po ajo që bëri më shumë bujë ishte kartoni i kuq që mori kolumbiani. Mesfushori mori një karton të verdhë pas protestave ndaj arbitrit, edhe pse skuadra e tij kishte fituar një goditje dënimi.
Ky vendim e acaroi Rodrigezin, i cili shkoi i tërbuar që të sqarohej me arbitrin. U deshën disa shokë të ekipit që ta ndalonin, por arbitri i dha kartonin e dytë të verdhë.
Hames Rodrigez doli nga fusha duke hequr bluzën, por veprimi i tij ndaj arbitrit bëri xhiron e botës.
Siri, define “losing the rag”. pic.twitter.com/KEd1Iw2jrq
— Alan Feehely (@azulfeehely) October 31, 2021
