Vendi i tretë në garën e fundit të Formula 1 zhvilluar në pistën e Losail (Katar) duket se i ka shtuar oreksin dy herë kampionit të botës, spanjollit të Alpine, Fernando Alonso. I rikthyer në aktivitet këtë sezon pas dy vitesh pushim, spanjolli korri podiumin e parë sezonal, që i mungonte prej 7 vitesh.
“U riktheva me një qëllim të qartë, të fitoj titullin e tretë kampion dhe do të bëj maksimumin tim për t’ia dalë mbanë dhe të arrij këtë objektiv. Për mua, ai titull do të thotë shumë. Kjo do të thiotë që synoj të garoj përtej vitit 2022. Nuk ka rëndësi nëse je 19 apo 42 vjeç, rëndësi ka dedikimi për këtë sport”, tha Alonso.
