Gjatë mbrëmjes së AC Monza Christmas Talent, administratori i deleguar i Monza-s, Adriano Galliani, është kthyer të flasë për objektivin Serie A gjithmonë në mendjen e tij edhe në momentet më të rënda, si ato të kaluar në terapi intensive në muajt e kaluar.
“Serie A është një ëndërr e madhe që do ta arrijmë. Kur isha i intubuar, truri funksiononte dhe mendimi im i vetëm ishte Monza, Krishtlindje të mbara bardhekuqe të gjithëve”, kanë qenë fjalët e Galliani-t.
“I adhuroj këto ngjyra. Falë Presidentit Berlusconi nuk mungojnë burimet. Realizojmë një ëndërr me Monzello-n: nga 1 korriku 2022 do të kemi 7 fusha të tjera stërvitore, 11 dhoma zhveshjesh dhe të gjitha skuadrat do të stërviten në qendrën sportive.
“Për të fituar duhet krijuar një atmosferë e veçantë mes drejtuesve, trajnerit dhe lojtarëve. Këto janë tre përbërës thelbësor. Nëse nuk krijohet një lidhje e fortë, nuk fiton, të paktën kjo është eksperienca ime”, ka përfunduar ish-drejtuesi i Milan-it.
