Fundjava që lamë pas ishte shumë pozitive për lojtarët shqiptarë që aktivizohen në kampionatet europiane.
Faqja e njohur e statistikave “Sofa Score”, ka përgatitur vlerësimet e legjionarëve tanë për këtë fundjavë që sapo lamë pas.
I pari në këtë klasifikim renditet, mesfushori i Kombëtares shqiptare, Endri Çekiçi, i cili është vlerësuar me notën 7,8 duke i dhënë fitoren Koniasporit të tij në frymën e fundit të takimit ndaj Antaljaspor.
I dyti renditet portieri Elhan Kastrati, i cili është vlerësuar me notën 7,1, i cili ka kryer një paraqitje pozitive me Çitadelën e tij ndaj Breshias.
I treti është mbrojtësi i Kombëtares shqiptare, Ivan Balliu, i cili është vlerësuar me notën 7,0, i cili me Rajo Vajekanon e tij ka zhvilluar një paraqitje dinjitoze në ndeshjen ndaj Alaveshit.
I katërti është renditur Taulant Xhaka, i cili vlerësohet me notën 7,0, i cili me Bazelin e tij ka shkëlqyer në ndeshjen ndaj Grasshopersit.
I pesti është renditur Lindon Selahi, i cili është vlerësuar me notën 7,0, ku me fanellën e Rijekës në sfidën ndaj Istrës ka rënë në sy me paraqitjen pozitive.
VLERËSIMET E LEGJIONARËVE SIPAS FAQES SË SPECIALIZUAR “SOFA SCORE”
