Tirana pritet të ketë goxha kohë për sfidën me Egnatian. Kështu, trajneri Shehi ka një lajm të mirë dhe një të keq.
Në skuadër kthehet Ardit Toli i cili lë pas pezullimin, ndërsa nuk do të luajë Taulant Seferi për shkak të kartonëve.
Në sfidën me rrogozhinasit, me sa kuptohet, Toli do të ndërrohet kokë më kokë me Seferin, por ka edhe një plan B me Gjumsin ose Hotin që të luajnë nga minuta e parë.
Kujtojmë që Tirana vjen pas pesë fitoreve dhe një barazimi, duke grumbulluar 16 pikë nga 18 të mundshmet. Bardheblutë i kanë mundur rrogozhinasit në një takim, ndërsa në një tjetër kanë dalë në barazim.
Tirana duhet të ketë kujdes kartonët, sepse pas Egnatias luan me Kastriotin, Laçin dhe Teutën, para se të shkojë te sfida derbi me Partizanin.
