Të dielën na pret një El Clasico plot stil, pasi Real Madrid dhe Barcelona nuk do të luajnë me fanellat e para, pra variantet tradicionale.
Më herët gjatë ditës së sotme u bë e ditur se Barcelona do të luajë me ngjyrat flamurit katalanas dhe Reali është kundërpërgjigjur sot me një video spektakolare dhe ka njoftuar se lojtarët e klubit madrilen do të luajnë me të zeza.
Real sapo ka zgjedhur El Clasico për të promovuar një fanellë speciale të bërë për 120 vjetorin e klubit nga Yohji Yamamoto dhe Adidas.
Nga ana tjetër, Barcelona do të luajë në setin e tretë verdhekuq dhe ky kombinim katalanas në Spanjë quhet Senyera.
Shumë besojnë se me këtë set duan të festojnë triumfin në kryeqytetin spanjoll, ndërsa video e Realit, e cila ka gëzuar tifozët, është paraqitur si kundërpërgjigje ndaj atij provokimi.
Kujtojmë, derbi i madh i kampionatit spanjoll luhet të dielën nga ora 21:00 , teksa Reali ka 15 pikë më shumë se rivali blaugran.
Reali aktualisht është në vendin e parë në La Liga me dhjetë pikë më shumë se Sevilja e vendit të dytë dhe sigurisht që po shkon drejt një titulli tjetër.
Nga ana tjetër, Barcelona është në vendin e tretë me pesë pikë më pak se Sevilja dhe pasohet nga lufta për një vend në Champions League.
