Sezoni shumë i mirë te Sampdoria për Dennis Praet nuk ka mbetur pa u vënë re nga ekipet e mëdha të Serisë A. Fillimisht Juve dhe Inter por tashmë për fantazistin e ri belg po mendon seriozisht Roma që e shikon si pasuesin e mundshëm të Strootman.
24-vjeçari ka luajtur të gjitha ndeshjet në sezonin e tij të dytë në Serinë A duke u bërë i pazëvendësueshëm ndërsa tani është Monchi që dëshiron ta transferojë te verdhekuqtë. I blerë për 10 milionë euro dy sezone më parë, tani Sampdoria dëshiron të paktën 18-20 milionë euro për belgun i cili ka dhënë edhe “ok” për të luajtur me Romën.